Mynd: Jóhann Óli Hilmarsson
Umhverfis-, orku- og loftslagsráðherra hefur staðfest tillögur Náttúruverndarstofnunar að fyrirkomulagi rjúpnaveiða fyrir árið 2026. Því til staðfestingar hefur verið gefin út reglugerðarbreyting 959/2026 á reglugerð nr. 456/1994 um fuglaveiðar og nýtingu hlunninda af villtum fuglum.
Tillögurnar voru byggðar á stjórnunar- og verndaráætlun rjúpu sem var gefin út árið 2024 og aðlögunarhæfum stofnlíkönum sem voru tekin upp samhliða því. Stofnmat rjúpu árið 2026 má nálgast neðst í fréttinni.
Veiðitímabil 2026
Veiðitímabilið er eftirfarandi (sjá einnig mynd að neðan):
Austurland 23. október – 22. desember
Norðausturland 23. október – 1. desember
Norðvesturland 23. október – 17. nóvember
Suðurland 23. október – 17. nóvember
Vesturland 23. október – 1. desember
Vestfirðir 23. október – 24. nóvember
Veiðitímabilið hefst föstudaginn 23. október á öllum veiðisvæðum. Veiði er heimil frá og með föstudegi til og með þriðjudags innan tímabils hvers veiðisvæðis. Því er óleyfilegt að veiða rjúpu miðvikudaga og fimmtudaga.
Skipting veiðisvæða eftir landshlutum ásamt veiðitímabili hvers svæðis. Minnt er á að hægt er að nota kortasjá til að skoða mörk veiðisvæða.
Náttúruverndarstofnun biðlar sérstaklega til veiðimanna að sýna hófsemi við veiðar. Mikilvægt er að allir hagsmunaaðilar komi að því hvatningarátaki. Sölubann á rjúpu er enn í gildi og veiðar óheimilar á Reykjanesi (Landnám Ingólfs).
Engin formleg athugasemd var send inn vegna tillagnanna.