Fyrirkomulag veiða – Áætlanir og uppgjör
Náttúruverndarstofnun vinnur áætlun um refaveiðar til þriggja ára í senn. Stofnunin gerir samning við sveitarfélög um refaveiðar og endurgreiðslu á hluta kostnaðar sveitarfélaga vegna þeirra. Hlutfall kostnaðar sem sveitarfélög fá endurgreitt fer eftir íbúaþéttleika sveitarfélagsins (lægri þéttleika fylgir hærra hlutfall) og er háð fjárlögum.
Stefnt er að því að vinna stjórnunar- og verndaráætlun fyrir refi sem mun fela í sér gagngera endurskðun á veiðistjórnunarkerfi refs.
Áætlun um refaveiðar 2026-2028
Uppgjör áætlunar um refaveiðar 2023-2025
Áætlun um refaveiðar 2023 - 2025
Uppgjör áætlunar um refaveiðar 2020 - 2022
Áætlun um refaveiðar 2020 - 2022
Uppgjör áætlunar um refaveiðar 2017 - 2019
Áætlun um refaveiðar 2017 - 2019
Uppgjör áætlunar um refaveiðar 2014 - 2016
Áætlun um refaveiðar 2014 - 2016
Hvar má veiða refi?
Refi má ekki veiða á ákveðnum svæðum, sem skoða má í kortasjá með því að smella á örina hér að neðan.
Upplýsingar um refaveiðar á friðlýstum svæðum má almennt finna með því að skoða reglur hvers svæðis fyrir sig.
Vöktun og rannsóknir á refum
Náttúrufræðistofnun sinnir vöktun og rannsóknum á íslenska refastofninum. Veiðimenn gegna mikilvægu hlutverki í vöktuninni þar sem Náttúrufræðistofnun tekur við refahræjum frá þeim og kryfur og rannsakar. Á vef Náttúrufræðistofnunar má finna ýmsar fróðlegar og nytsamlegar upplýsingar um refi og rannsóknir á þeim.
Náttúrufræðistofnun - Almennt um refi
Náttúrufræðistofnun - Vöktun refastofnsins
Melrakkasetur Íslands stundar einnig rannsóknir á refum ásamt því að bjóða upp á fræðslu um tegundina og önnur spendýr í íslenskri náttúru. Á vefsíðu Melrakkasetursins má finna ýmislegt áhugavert efni.
Lög og reglugerðir
Um veiðar á dýrum í náttúru Ísland gilda almennt lög númer 64/1994 um vernd, friðun og veiðar á villtum fuglum og villtum spendýrum. 12. grein laganna fjallar um refi.
Einnig hefur verið sett sérstök reglugerð um refa- og minkaveiðar, númer 437/1995.
Viðmiðunartaxtar launa og verðlauna
Hægt er að skoða viðmiðunartaxta launa, verðlauna og aksturs fyrir unna refi og minka með því að smella á örina hér að neðan.