Þjóðlendur og eignarlönd
Almennt eru veiðar leyfðar í þjóðlendum, í efnahagslögsögunni og í landhelginni utan netlaga eignarlanda. Hér neðar á síðunni er hægt að nálgast upplýsingar um þjóðlendur.
Á eignarlöndum eru veiðar háðar leyfi landeiganda.
Kortasjá og tegundir
Sérstakar reglur gilda um rjúpur, refi og hreindýr. Með því að smella á örina hér að neðan opnast kortasjá þar sem hægt er að smella á gögn uppi í hægra horninu til þess að velja þekjur sem sýna þær.
Hreindýr má veiða á hefðbundnum veiðisvæðum hreindýra, hvort sem er á þjóðlendum eða innan eignarlanda, nema landeigandi hafi bannað hreindýraveiðar innan síns lands.
Rjúpur og refi má ekki veiða á ákveðnum svæðum.
Þjóðlendur
Hér er hægt að nálgast frekari upplýsingar um þjóðlendur og þjóðlendulínur.
Náttúruverndarsvæði
Á náttúruverndarsvæðum eru veiðar heimilar nema sérlög, friðlýsingarskilmálar eða stjórnunar- og verndaráætlanir sem gilda um svæðið mæli fyrir um annað. Það er á ábyrgð veiðimanna að kynna sér hvaða reglur gilda á hverju svæði.