Náttúran.is

Hráar kartöflur

Engin móða kemur á baðspeglinn ef þið nuddið spegilinn með hálfri hrárri kartöflu, þvoið síðan af með köldu vatni og þurrkið með dagblöðum eða eldhúspappír.

Grafík: Spegill og kartöflur. Guðrún Tryggvadóttir og Signý Kolbeinsdóttir ©Náttúran.is.

Einkunn

Baðherbergið - Lyfjaskápur

Oft er lyfjaskápur á baðherberginu en hann þarf að vera nógu hátt á vegg eða læstur til að litlu mannverurnar nái ekki til þeirra. Barnalæsingar þurfa að vera á neðri skápum ef þar eru geymd lyf, hreinsivörur eða hreinlætisvörur.

Gömul lyf eiga ekki heima í heimilisruslinu heldur á að fara með þau í apótek til förgunar. Efnamóttakan sér síðan um rétta förgun spilliefna og lyfja.

Einkunn

Speglar og sólarljós

Hengið eða stillið ekki speglum upp þar sem sólin getur skinið beint á þá því það getur brennt bletti í spegilinn.

Einkunn

Móða á baðspeglinum

Nuddið sápu á baðspegilinn og pússið síðan af með eldhúspappír. Eftir það sest móða ekki lengur á baðspegilinn.

Einkunn

Flísarnar

Til að ná burtu sérstaklega erfiðum blettum af flísum er gott að þurrka flísarnar með blöndu af heitu vatni og ediki í jöfnum hlutföllum.

Einnig er hægt að nudda hálfri sítrónu yfir erfiðu blettina og látið liggja á og síðan þvo af og skola vel.

Einkunn